Artista: Los Berrones
Albúm:
Enviado por: admin

Tres la barra d´aquel bar ,
yo que diba calentáu,
por pura casualidá
y un farol que taba coloráu...
¡Y atopéte ellí!
¡Vaya cómo-y dabes al mandil!

Paezme casi fue ayer
que marchasti a la ciudá
y nel pueblu tovía creen
que trabayes nun hospital...
Y agora sé quién yes
agora yá nun me pues engañar.

Amor de mil duros,
d´un cuartu d´hora,
p´agora vales tu mesma
y, si non, cualquier otra.

Amor de mil duros,
nun pierdas el tiempu,
y vamos al asuntu,
acabósete´l cuentu.

Esperes a que pique algún
y, si non, duermes sola.
Y si saques buen xornal
nun te va a quedar nin la mitá.
Hai que tener valor
y facer de tripes corazón.

Mientres yo te conocí
nun se te podía tocar:
tu siempre dicíes que non,
tu siempre aspirabes a algo más...
Y agora yá lo ves:
ye cuestión de cuántu quies cobrar.

Amor de mil duros,
d´un cuartu d´hora,
p´agora vales tu mesma
y, si non, cualquier otra.

Amor de mil duros,
nun pierdas el tiempu,
y vamos al asuntu
acabósete´l cuentu.